Ég keypti nýtt strokledur i dag...

Veit um eina persónu sem verdur dáltid ánægd med mig eftir afrekid:)

En ég er tó ekki enn búin ad ákveda hvort ég hendi gamla góda strokledrinu sem afi átti á undan mér... væri hálfgerd synd. Kannski ætti ég ad geyma tad, tó ekki væri nema til mögru áranna!

Yfir og út

Svaf ég yfir mig?

Í morgun þegar ég vaknaði fannst mér eins og ég hefði sofið yfir mig... og það ekki lítið. Mér leið eins og það væri kominn desember. Það var í mér einhver desembertilfinning, get ekki alveg líst henni, hún er sambland, tilhlökkunar, innri róar, stress og ýmislegs fleira. Þegar mér varð svo litið út um gluggann og sá nýfallinn snjóinn brá mér í brún... Kannski hafði ég virkilega sofið yfir mig í heilan mánuð! Hver veit, allt getur nú gerst á 21. öldinni. Ég áttaði mig þó fljótlega og fór bara að reikna straumfræðidæmi á meðan fallegum snjónum kyngdi niður. 

Og við teljum niður!

Núna eru aðeins rúmir 5 klst þangað til að lagt verður af stað frá FSu! Ég er ekki viss um að ég geti sofnað núna en það kemur allt í ljós.

Kína hér kem ég!

Dagurinn í dag

góður, líkt og sá í gær og vonandi sá á morgun,

margra hluta vegna

Fögur er fjallasýn...

Smalaði fjallið með pabba í dag.
Veðrið var hrein út sagt y-n-d-i-s-l-e-g-t (lesist hægt og með áherslu á hvern einasta staf!)
Ég var á Skruggu - frábær smalahestur (takk fyrir lánið Dóra)
Þegar ég stóð uppi á Hamri í glampandi sólskini, blasti við mér þvílíkt útsýni.
Í Suðri sá ég vestmannaeyjar.
Leit ég inn til landsins skartaði Hekla sínu fegursta ásamt, Þríhyrningi, Eyjafjallajökli og Tindfjallajökli (svo dæmi séu tekin).
Sneri ég mér í hina áttina mátti sjá glampa á Langjökul, hvítir tindarnir voru svo fallegir í sólskinu.
Ég sá lengst fram í sveit.
Svo var náttúrulega Stóra-Laxá en hún var svo tær að ég sá alveg niður á botn(og hefði sko getað talið laxana synda framhjá ef það hefðu verið einhverjir...)

Þegar ég sagði Hildi frá þessu alveg heilluð í kvöld svaraði hún ,, og þú varst náttúrulega ekki með myndavélina er það??" Ég varð því miður að viðurkenna að svo hefði ekki verið... Það verða því bara að duga lýsingar en hér hefði annars komið mynd af mér brosandi út að eyrum með fjallahringinn í baksýn.

Það stendur því tvennt til boða; Ímynda sér það... eða bara koma með mér á hestbak einhvern daginn helst í góðu veðri?? það fer hver að vera síðastur!!!

Gunnar á Hlíðarenda

Ég er nú ekki viss um að það hafi verið mikið á milli eyrnanna á Gunnari. Ég skil ekki hvernig Njáll gat þolað hann. Kannski til að vera með fína fræga fólkinu... Hver veit?

Að sofa

Mikið ofboðslega er gott að sofna þegar maður er þreyttur...

zzz