Það er gaman að dansa...

og leiðin lá til Austurríkis

Við Helga fyrir utan Sound of Music skálann. 

Við hittum Jóhönnu, Gabi og Inge á fyrstu tónleikunum okkar.

Helga bregður á leik í kastalanum sem gnæfir yfir Salzburg.

Við Helga nutum góða veðursins við Königsee.

Helga og Guðmundur ráða ráðum sínum, Helga var jú aðal kynnirinn hjá okkur :-)

Þó það sé alskýjað úti þá skín sólin hjá mér. :-)

Mikið er ég fegin að ég sat ekki við skrifborðið mitt í gær

Þegar maður er lamb

er gott að einhver nenni að minna mann á að anda, alla vega svona fyrst.

Að anda er eitt af því sem maður hvílir sig ekki á.

Myndasýning - allir velkomnir - adgangur ókeypis

Jæja þá er komið að síðustu færslu þessarar ferðasögu - en hún verður hér rakin í heild sinni í máli og myndum:D

Moritz var svo elskulegur að skutla mér á flugvöllinn í Stuttgart. Við komum okkur í sól og sumarskap með því að setja upp sólgleraugun og fá okkur kaffisopa í skugga pálmatjráa:D

Eftir flug til Lyon (með geðveikt pínkuponsulítilli flugvél (minnti mig mest á flugferðina Bakki-Vestmannaeyjar) farþegafjöldi var kannski um 20 manns og ein flugfreyja!!!) flaug ég áfram til Toulouse. Eftir að hafa tekið leigubíl til að komast til fjölskyldunnar eyddi ég kvöldinu í rólegheitum með Marie og Ange en karlpeningurinn var ekki heima, annar á rástefnu hinn í skólaferðalagi.
Myndin hér að ofan er tekin morgunin eftir. Morgnarnir voru frábærir. Eftir að krakkarnir voru farnir í skólann fórum við Marie og fengum okkur café og croissant á einhverju vinalegu kaffihúsi í hjarta borgarinnar. Eftir það löbbuðum við um falleg hverfi - kíktum kannski aðeins í búðir og fórum á markaðinn. Sem sagt mjög rólegir og notalegir morgnar, nægur tími til að ræða öll helstu málefni líðandi stundar - og þar með tækifæri fyrir mig að reyna að ná á vald mitt betur og betur tungu þessa fólks;)

Það eru mörg falleg hús í Toulouse - einkennandi er þessi rauðbrúni litur.

Þetta er Ange að spila á gítarinn sinn. Hún er nýbyrjuð en bara nokkuð klár. Við æfðum saman heilan eftirmiðdag fyrir spilatímann hennar - og mér skildist að bæði kennari og nemandi hefðu verið ánægð með afraksturinn:)

Um kvöldið var Christian svo kominn heim - fórum öll saman út að borða. Mjög gaman og góður matur!!

Nammi namm, þetta fékk ég (ég veit ég er að verða eins og amma - taka myndir af matnum... en ég stóð allavega ekki upp á stól;)) Ekkert smá gott!! Sko langt síðan ég hef fengið svona góðan fisk:)

Krúsídúllu börn! Martin var svo komin heim og hafði, eins og systir sín, stækkað heilan helling.

Þarna er ég í einni af skoðunarferðum okkar Marie um Toulouse. Þetta er safn sem ég átti svo eftir að fara á, mjög falleg bygging:)

La Garonne! Fallegt- fallegt.

Það var þvílíkt óveður eitt kvöldið. Hagl og rigning!! Varð bara að taka mynd af þessu. Þau voru alveg hissa. Það er jú miður maí og það er vant að vera hlýtt hjá okkur!! Það átti þó eftir að rætast úr veðrinu og kom heim bara nokkuð brún:)

Svo fórum við í sveitina mína:) Það var yndislegt að koma þangað aftur. En fyrir þá sem ekki vita var ég þar eiginlega mest allan tímann sem ég var hjá þeim um árið. Þau eru nú búin að kaupa húsið af foreldrum Marie og búin að breyta og laga mikið til.

Ange klifurköttur!

Hér sést húsið vel. Þegar ég bjó hjá þeim svaf ég í turninum!!! Geggjað kúl:)

og þetta er ég

Þetta er uppáhalds tréð mitt. Það er einfaldlega eins og klippt út úr myndabók. Það er meiriháttar að sitja og borða í skugga krónu þess...

... eins og við erum að fara að gera á þessari mynd. Týpiskur málsverður chez les Bec. Nammm:) Baguette, þurkaðar pylsur, andarkæfa, litlar súrar gúrkur, ferskt og gott salat ala Marie.

Ég fléttaði blómakrans en krakkarnir hjálpuðu mér að finna blómin. Allir þurftu svo að sjálfsögðu að fá að máta:) Hér er Martin með dýrgripinn á hausnum.

Svo Ange blómamær

Ég slapp að sjálfsögðu ekki heldur;)

Útsýnið er ólýsanlegt. Ég skrapp í kvöldgöngutúr og tók þessar myndir...

...og fléttaði annan blómakrans:) Það er svo mikið af skemmtilegum og fallegum blómum út um allt.

Daginn eftir fórum við á blómamarkaðinn í nálægum bæ:) Held ég hafi bara næstum aldrei séð jafn mikið af blómum - mjög fallegt!!

Í Bordeaux:) Ótrúlega mikið af skemmtilegum sætum götum. Húsin þarna eru svo falleg. Svolítið erfitt ad taka góða mynd af því finnst mér en vona að þið fáið smá innsýn. Það var frábært að hitta ömmu aftur:) Hún er ekkert smá yndisleg kona - hún veit svo margt ótrúlega merkilegt og á svo mikið til af gömlu dóti sem er gaman ad skoða. Hún tekur sér líka svo góðan tíma til að tala við mig og ég læri mjög mikið - bæði hvað varðar málefnin og tungumálið:D

Aftur í Toulouse. Í japanska garðinum. Var að reyna að bera hann saman við Gjánna:) Mjög, mjög fallegt.

Á bekk í sólskininu:)

Við Marie síðasta daginn minn í Toulouse. Settumst niður öll saman og fengum okkur bjór. Þau voru að deyja úr hlátri því að ég bað um lítinn bjór - er víst farin að hugsa aðeins og mikið í þýskri bjórmenningu þar sem alltaf er borið fram í 0,5 líters glösum ef ekki 1,0... þau pöntuðu bara venjulegan bjór og var hann í 0,25 líters glasi - pínkulítið grey:)

Ange og Martin sæl og glöð eftir að hafa fengið í eftirrétt fullan bikar af þeyttum rjóma!!! Jebbs, hvort sem þið trúið því eða ekki er hægt að panta bara eins og ísbikar, bikar með þeyttum rjóma og sykri - ég hef aldrei séð annað eins... Var hæst ánægt með ísinn minn:)

Þá segi ég þetta gott í bili. Þetta var mjög góð ferð og gaman að hitta fjölskylduna aftur og finna hvað hún tók vel á móti mér:) Það var samt ósköp gott líka að koma aftur til Dinkelsbühl og spila og syngja aðeins aftur - verð að viðurkenna að ég var smá farin að sakna þess. Það þýðir bara að ég byrja að æfa hress, til í slaginn og af fullum krafti núna. Á laugardaginn eru Brahms tónleikar hjá kórnum - hlakka til, þetta eru skemmtileg lög og Jóhanna ætlar að koma að hlusta á mig:D Hlakka mjög til að sjá hana og heyra allt sem hún er búin að læra!!

Knús og kram - À bientôt:)

Í dag er bláberjaþema

morgunmatur: bláberjajógúrt
11 snarl: bláberja skyr.is

kannski bláberjaterta í kaffinu, hver veit