Það rignir og rignir

Haust
Þú byrgir þig sól, svo björt og heit
í bláfjallanáttstað þínum
og söngfuglar hverfa úr hverri sveit,
sem hrifu með tónum sínum.
Það haustar og bliknar hver rós í reit
og rökkvar í huga mínum.

Sigurður Ágústsson frá Birtingarholti

Það hefur eflaust einhverjum þótt broslegt að horfa á eftir mér hlaupa, með skólatöskuna á bakinu, fiðlu í annarri hendinni og víólu í hinni, í gegnum pollana og berjast á móti rigningunni... alveg að missa af rútunni. Er ekki haustið dásamlegt?